Print

Աշխատաժողով` քաղաքացիական ծառայության բարեփոխումների նպատակով

ՀՀ քաղաքացիական ծառայության խորհուրդը ԵՄ ՏՀԶԿ/ՍԻԳՄԱ ծրագրի հետ համատեղ դեկտեմբերի 13-14-ին Աղվերանում կազմակերպում է <<Քաղաքացիական ծառայության բարեփոխումները Հայաստանում. առաջընթացի ուղիները>> թեմայով աշխատաժողովը: Նպատակն է քննարկել <<Հայաստանում քաղաքացիական ծառայության համակարգի զարգացման քաղաքականությունը սահմանող փաստաթղթի>> նախագիծը, որն ընդգրկում է հիմնական մարտահրավերները, բարեփոխման ենթակա ոլորտները, քաղաքականության այլընտրանքային տարբերակները, ինչպես նաև առաջընթացի ապահովման մեթոդաբանությունը, առաջնահերթությունները և գործողությունները: 

Հիմնական թեմաներն են լինելու քաղաքացիական ծառայության ոլորտում մասնագիտական հմտությունների բարձրացումը, մարդկային ռեսուրսների կառավարումը զարգացնելու նպատակով իրավական դաշտի բարելավման հեռանկարները, քաղծառայության ոլորտի համակարգման և ղեկավարման հետ կապված խնդիրները:
Աշխատաժողովին մասնակցելու համար հրավիրված են ՍԻԳՄԱ-ի փորձագետները, ՀՀ ՔԾԽ-ի ներկայացուցիչները, միջազգային կազմակերպությունները և գործընկեր հասարակական կազմակերպությունները, ՀՀ քաղաքացիական ծառայության համակարգում ընդգրկված պետական մարմինները, բարձրաստիճան պաշտոնատար անձինք:
Կից ներկայացվում է աշխատաժողովի օրակարգը:

 

Print

Հանդիպում ՀՀ ՔԾԽ-ում ՍԻԳՄԱ-ի փորձագիտական խմբի հետ

Նոյեմբերի 25-ին ՀՀ քաղաքացիական ծառայության խորհրդի նախագահի տեղակալ Սամվել Վասիլյանն ընդունեց ԵՄ SIGMA ծրագրի փորձագիտական խմբին:

Հանդիպման ընթացքում քննարկվել են SIGMA-ի հետ համագործակցությամբ մշակված` քաղաքացիական ծառայության բարեփոխումների ընդհանուր ուղղությունները և այդ համատեքստում հանրային հատվածի ներքին ֆինանսական հսկողության գործառույթներին և պատասխանատվությանը, դրանց առավել հասցեականության ապահովմանն առնչվող հարցեր:
Կողմերը մտքեր են փոխանակել պետական համակարգում ֆինանսական կառավարման մեխանիզմների և դրանց արդյունավետության բարձրացման խնդիրների շուրջ:

 

Print

ՀՀ ՔԾԽ նախագահի տեղակալը մասնակցեց «Տարածաշրջանային ինտեգրում» թեմայով վերապատրաստման դասընթացի բացման արարողությանը (2)

Նոյեմբերի 12-ին ՀՀ պետական կառավարման ակադեմիայում մեկնարկեց «Տարածաշրջանային ինտեգրում» թեմայով վերապատրաստման դասընթացը, որը կազմակերպել էր Ժնևի միջազգային հարաբերությունների և զարգացման հետբուհական ինստիտուտը` ՀՀ քաղաքացիական ծառայության խորհրդի և ՀՀ պետական կառավարման ակադեմիայի հետ համատեղ: Սույն վերապատրաստման դասընթացն իրականացվեց Շվեյցարիայի զարգացման և համագործակցության գործակալության աջակցությամբ` «Միջազգային հարաբերություններում կարողությունների զարգացում» ծրագրի շրջանակներում:

Print

Ավարտվեց կրտսեր պաշտոնների հավակնորդների թեստավորման հերթական փուլը

Հոկտեմբերի 26-ին ավարտվեց քաղաքացիական ծառայության կրտսեր պաշտոնների զբաղեցման համար անհրաժեշտ հավաստագրման թեստավորման` այս տարվա չորրորդ` վերջին փուլը, որը մեկնարկել էր հոկտեմբերի 21-ին: Թեստավորմանը մասնակցելու համար հայտ էր ներկայացրել 358 քաղաքացի, որոնցից 315-ն է իրական մասնակցություն  ցուցաբերել գործընթացին: Թեստավորումը հաղթահարել է 37 քաղաքացի, որը կազմում է մասնակիցների 12 տոկոսը: Սա թեստավորման երկրորդ փուլն էր, որն անցկացվում էր հարցաշարերում կատարված բովանդակային ու ընթացակարգային օրենսդրական լրացումներից ու փոփոխություններից հետո, որոնց արդյունքում ՀՀ Սահմանադրության և ՀՀ քաղաքացիական ծառայության օրենադրության մասին հարցերից բացի, հարցաշարերը համալրվել էին Հայաստանի, նրա պատմության, հայոց լեզվի, գրականության, նշանավոր դեմքերի, նշանակալի փաստերի և իրադարձությունների, hամաշխարհային մշակույթի և հոգևոր արժեքների ճանաչողական իմացության և համակարգչային հմտությունների հետ կապված հարցերով: Դրանք հիմնված են հանրակրթական ուսումնական ծրագրերի վրա: Բացի դրանից` այդ փոփոխություններով թեստավորման մասնակիցներին նախապես չեն տրամադրվում հարցաշարերը, այլ միայն գրականության համապատասխան ցանկը, որից կարող են օգտվել նախապատրաստվելու համար: